I februar blei guten fødd i San Diego i California. Men det homofile paret vågar ikkje å reise heim til Italia med sonen.
– Dei er veldig urolege for å returnere til Italia, for der ventar fengsel og bøter, fortel advokat Gianni Baldini til Guardian.
Han representerer paret som no vurderer å bli buande i USA.
Fengsel og høge bøter ventar
Statsminister Giorgia Melonis høgre-orienterte regjering har rulla ut Europas strengaste lov mot surrogati. For italienarar kan ikkje lenger reise til utlandet og bli foreldre med hjelp av surrogati
Loven blei vedteken i nasjonalforsamlinga i fjor haust. Dei som bryt forbodet kan bli straffa med fengsel i inntil to år og høge bøter – frå 600.000 euro til ein million euro, skriv Guardian.
Forbodet skal hindre kommersialisering av kvinnekroppen og barn, meiner statsminister Meloni. I valkampen i 2022 brukte ho slagordet «Gud, nasjonen og familie».
Bør bli ulovleg for nordmenn
Surrogati er ulovleg også i Norge, men lovverket hindrar i dag ikkje norske borgarar å inngå i bruke surrogatimødrer i utlandet.
I samband med at bioteknologiloven blir revidert, kom Bioteknologirådet i fjor med ei ny vurdering av surrogatiforbodet.
Åtte av rådets 15 medlemmer meiner at nordmenn som gjer bruk av surrogati i utlandet, bør kunne bli straffa, fortalde Vårt Land i august. Dette fordi surrogati er forbode i Norge.
